Azərbaycanı beynəlxalq xizək yarışlarında təmsil edən atletimiz İlya Kostov İtaliyanın Kurmayeur kurortunda keçirilən dağ xizəyi idmanının “downhill” növü üzrə yarışı zamanı ayağının sınması ilə nəticələnən xəsarət alıb. Aldığı zədə səbəbindən idmançımız mövsümü erkən başa vurmaq məcburiyyətində qalıb.

Zədələnmədən bir gün öncə atletimiz İtaliyanın Pila kurortunda FIS təqvimindən keçirilən yarışda xüsusi slalom növündə 7 ölkədən olan 105 idmançı arasında 8-ci, öz yaş qrupunda isə 3-cü yerə sahib olub.