Beynəlxalq Olimpiya Komitəsinin (BOK) prezidenti Tomas Bax 2024-cü ildə Parisdə keçiriləcək Yay Olimpiya Oyunlarında bütün milli komandaların idmançılarını görmək istədiyini bildirib.

Blitz Sport-un Bolqarıstan nəşri Baxın sözlərindən sitat gətirib: "Bütün ölkələrin idmançılarına artıq keçirilən təsnifat yarışlarında iştirak etmək icazəsi verilməlidir".

BOK rəhbəri həmçinin ümid etdiyini bildirib ki, artan sayda federasiyalar idmançıların təsnifat startlarına buraxılması ilə bağlı komitənin tövsiyələrinə əməl edəcəklər.

Rusiya idmançıları beynəlxalq yarışlardan kənarlaşdırıldıqları üçün bir sıra olimpiya idman növləri üzrə vəsiqələrdən məhrumdurlar. Xüsusilə, Rusiya boksçularının 2024-cü il Oyunları üçün seçim olan Avropa Oyunlarında iştirakına icazə verilməyib.