Azərbaycanlı qrossmeyster Nicat Abasov Bakıda keçirilən şahmat üzrə Dünya Kubokunda 1/8 finala yüksəlib.

1/16 finalda o, tay-brekdə Peter Svidleri (FİDE) qazanmağı bacarıb.

Dünya kubokunun beşinci turunda Azərbaycan şahmatçısının rəqibi Saleh Salem (BƏƏ) olacaq. İlk partiya sabah, avqustun 12-də baş tutacaq.

Xatırladaq ki, yarışın 1/32 final mərhələsində Nicat Abasov dünya reytinqində ilk onluqda yer alan şahmatçı Aniş Girini sensasion şəkildə məğlub etmişdi.

O, Dünya Kubokunda çıxışını davam etdirən yeganə azərbaycanlı şahmatçıdır, respublikanın digər təmsilçiləri, o cümlədən Şəhriyar Məmmədyarov və Teymur Rəcəbov mübarizəni yarımçıq qoyub.