Qazaxıstan lideri yeni nəqliyyat layihəsinin başladığını açıqlayıb

Qazaxıstan Prezidenti Kasım-Jomart Tokayev Çin, Xəzər dənizi və Avropa bazarlarını birləşdirəcək genişmiqyaslı avtomobil yolu layihəsinin icrasına başlanıldığını açıqlayıb.

Tokayev Azərbaycan və Mərkəzi Asiya dövlət başçılarının 8-ci Məşvərət görüşündə bildirib ki, Qazaxıstanın nəqliyyat infrastrukturunun modernləşdirilməsi regionun tranzit əhəmiyyətini artıracaq.

O, Xəzər Beynəlxalq Nəqliyyat Marşrutunun, eləcə də “Şimal-Cənub” marşrutunun inkişafının Qazaxıstan üçün mühüm əhəmiyyət daşıdığını vurğulayıb.

Qazaxıstan Prezidenti bildirib ki, Dünya Bankının hesablamalarına əsasən, infrastruktur layihələrinin reallaşdırılması nəticəsində Xəzər dənizi vasitəsilə yükdaşımaların həcmi 2040-cı ilədək 4 dəfə arta bilər.

Tokayev Orta Dəhlizin TRIPP təşəbbüsü ilə inteqrasiyasının da müzakirə edilə biləcəyini diqqətə çatdırıb.