Zəhra İmranlıdan sərhədçilərin Vətən müharibəsindəki qəhrəmanlığını  vəsf edən maraqlı şeir...

Avqustun 18-i Azərbaycan Sərhəd Mühafizəsinin yaradılmasının 102-ci ildönümüdür.

Azadmedia.az xəbər verir ki, 10 yaşlı bədii qiraətçi Zəhra İmranlının bu münasibətlə səsləndirdiyi “Hər sərhədçi bir orduya bərabərdir!” şeirində sərhədçilərin Vətən müharibəsindəki qəhrəmanlığından bəhs edib, onların azad etdiyi rayonlardan, habelə düşmənə qarşı müvəffəqiyyətlə apardığı dron əməliyyatlarından rəğbətlə söz açıb. Sərhədçilərin qədim mədəniyyət mərkəzi olan Şuşanın azad edilməsində də yaxından iştirak etdiyini bildirən Zəhra İmranlı, DSX əməkdaşlarının Vətən müharibəsindəki qəhrəmanlığının tarixin yaddaşında əbədi yaşayacağını bildirib.

Xatırladaq ki, Zəhra İmranlı son iki ildə vətənpərvərliklə bağlı səsləndirdiyi çoxsaylı şeirləri ilə tanınır.

Belələiklə, “Hər sərhədçi bir orduya bərabərdir!” şeirini oxuculara təqdim edirik. Şeirin müəllifi jurnalist Seymur Əliyevdir.