Azadmedia.az xəbər verir ki, bu sözləri millət vəkili Məşhur Məmmədov həmkarının güllələnməsinə münasibət bildirərkən deyib.
"Aydın məsələdir ki, bu hadisənin sifarişçilərinin məqsədi dövlətimizə qarşı inamsızlıq, cəmiyyətdə qorxu yaratmaq istəyidir. Bu yolla dövlətimizə təzyiq göstərmək istəyənlərin arzusu ürəyində qalacaq. Azərbaycan güclü dövlətdir. Təhlükəsizliyi etibarlı əllərdədir. Ordu-dövlət-xalq birliyini məkrli qonşular Vətən Müharibəsi zamanı görüb. Dövlət-Xalq Birliyi olan dövlətin sütunları sarsılmaz!" - deyən M.Məmmədov xalqımızı səbrli, təmkinli, tədbirli olmağa, məkrli düşmənlərlə üz-üzə olduğumuzu dərk edib, həmrəyliyimizi qorumağa, dövlətimizin yanında olmağa çağırıb
Tanrı Dövlətimizi, millətimizi qorusun!