Türkiyə Daxili işlər naziri Ali Yerlikaya Şırnak və Diyarbakırda qırmızı və boz kateqoriyada axtarılan 2 terrorçunun zərərsizləşdirildiyini bildirib.

Azadmedia.az xəbər verir ki, Nazir Yerlikaya sosial media hesabından etdiyi paylaşımda şəhidlərin qanının yerdə qalmadığını, zərərsizləşdirilən terrorçuların 9 mühafizəçinin şəhid olduğu, 21 mühafizəçinin yaralandığı hadisələrdə iştirak etdiyini bildirib.

Qeyd edək ki, əməliyyatı həyata keçirən polis və jandarma personalını təbrik edən nazir Ali Yerlikaya son terrorçu zərərsizləşdirilənə qədər mübarizəni əzm və qətiyyətlə davam etdirəcəklərini deyib.