Hava hücumu xəbərdarlığı səhər tezdən İsrailin cənubunda Qəzza zolağı ilə sərhədə yaxın, eləcə də Tel-Əviv ərazisində səslənməyə başlayıb. Azadmedia.az TASS-a istinadla xəbər verir ki, bu barədə ordunun mətbuat xidməti məlumat yayıb.

İsrail Müdafiə Qüvvələrinin Logistika Komandanlığının məlumatına görə, xüsusilə Təl-Əvivin bir sıra bölgələrində, eləcə də onun ən yaxın ətraflarında - Holon, Bat Yam, Rişon LeZion, Bnei Brak, Herzliyada həyəcan siqnalları işə düşüb. Cənubdakı Aşdod, Aşkelon, Beer-Şeba şəhərləri və Qəzza zolağına bitişik bir neçə rayonda da xəbərdarlıq sirenləri səslənib. Təl-Əvivin Quş Dan aqlomerasiyası ərazisində də siren səslərinin eşidildiyi dəqiqləşdirilir.

Sentyabrın sonunda İsrail Müdafiə Qüvvələrinin mətbuat xidməti bildirmişdi ki, İsrail Silahlı Qüvvələri təhlükəsizlik hasarı boyunca davam edən iğtişaşlar və anklavdakı radikal qrupların təhdidləri səbəbindən Qəzza zolağı ilə sərhədə əlavə qüvvələr göndərəcək.

Sentyabrın 22-də İsrail ordusu ölkə ordusunun Qəzza zolağında üç hərbi obyektə zərbələr endirdiyini bildirib. Dronların köməyi ilə iki hədəfin vurulduğu, bir halda hərbçilərin tankdan atəş açıldığı qeyd edilib.

Bundan əvvəl məlum olub ki, Qəzza zolağından İsrail ərazisinə beş raket atılıb və onların hamısı Dəmir Günbəz tərəfindən dəf olunub.