DİN-in Baş Dövlət Yol Polisi İdarəsindən sürücülərin nəzərinə: “Formula-1”-in keçiriləcəyi yollar bu gecədən bağlıdır.
Bakı Şəhər Halqası Əməliyyat Şirkətindən verilən məlumata görə “Formula-1” Azərbaycan Qran-Prisinə hazırlıq çərçivəsində trekin keçdiyi yollarda tikinti-quraşdırma işləri aparılır.
Qurumdan Azadmedia.az-a verilən məlumata görə növbəti mərhələdə Neftçilər prospekti boyunca beton blokların quraşdırılması səbəbindən dünən gecə saat 22:00-dan etibarən Azadlıq prospektinin Neftçilər prospekti ilə kəsişməsi nəqliyyatın hərəkəti üçün bağlı olacaq.
DİN-in Baş Dövlət Yol Polisi İdarəsi beynəlxalq tədbirə hazırlıq ərəfəsində yollarda aparılan tikinti-quraşdırma işləri ilə əlaqədar göstərdikləri anlayışa görə hərəkət iştirakçılarına öncədən təşəkkür edir.