Sorğu ilə bağlı Nazirliyin nəzdində fəaliyyət göstərən Dövlət Tibbi-Sosial Ekspertiza və Reabilitasiya Agentliyinin İctimaiyyətlə əlaqələr və kommunikasiya xidmətinin rəhbəri Tural Qurbanov bildirdi ki, əlilliyi olan şəxslərə reabilitasiya vasitəsi verilməsi 501 nömrəli qərara əsasən həyata keçirilir. Tibbi göstəriş olduğu halda aidiyyəti mərkəz tərəfindən vətəndaş reabilitasiya vasitəsi ilə təmin edilir.
Reablitasiya vasitələrinə nə daxildir, müddətləri nə qədərdi? - sualına cavab olaraq T.Qurbanov bildirildi ki, sözügedən reabilitasiya vasitələrinin istifadə müddətləri aşağıdakı kimi tənzimlənir:
*Eşitmə aparatı 2 il
*Qapalı məkanda (otaqda) istifadə üçün mexaniki təkərli oturacaq 4 il
*Açıq məkanda istifadə üçün mexaniki təkərli oturacaq 3 il
*Mühərrikli təkərli oturacaq 5 il
*Sanitar-təchizatlı təkərli oturacaq 2 il

Bəzən fiziki qüsurlu şəxslərin yaxınları Nazirlik tərəfindən verilən yox, öz seçdikləri reablitasiya vasitələrini almaq istəyir. Bu zaman onlara düşəcək vasitə əvəzinə qiyməti müqabilində ödənişi götürə bilərlərmi? - sualına cavab olaraq Tural bəy bildirdi ki, qanun buna icazə vermir.
Elnurə Abuşova