“QÜRUR” Şəhid Ailələri Xeyriyyə İctimai Birliyi “Vətən müharibəsi Qələbəsi İgidləri” sənədli film adlı layihəsinin icrasına start verib.

Birlikdən verlən məlumata görə layihənin əsas məqsədi yeniyetmə və gənclər arasında “Vətən müharibəsi Qələbəsi İgidləri”nin təbliğ edilməsidir. Bu igidlərimizin yeniyetmə və gənclər arasında təbliğ olunması onlarda öz vətəninə məhəbbət hissinin, vətəndaş məsuliyyətinin, hər an vətəninin və xalqının müdafiəsinə qalxmağa hazırlığın formalaşması üçün olduqca vacibdir. Layihə çərçivəsində işçilərlə müqavilələr bağlanıb, banner və disklər sifariş verilib.

Bu sənədli filminin gənclər və yeniyetmələr arasında təbliğ olunması, onların həyat və döyüş yollarını özləri üçün bir örnək olaraq götürmələri ilə yanaşı, onlarada əsl vətəndaş olaraq yetişmələrinə böyük bir stimul verəcəkdir. Sənədli filmin qəhrəmanlarının keçdikləri döyüş yolları gənclərdə vətənpərvərlik hisslərininn daha da yüksəlməsinə səbəb olacaqdır.

Layihə rəhbəri işçi heyəti ilə birlikdə Bərdə, Gəncə və Mingəçevir rayonlarına ezam olunaraq tarixi qələbəmizi bizə yaşadan, Vətən Müharibəsi şəhidlərimizin ailə üzvlərinidən, yaxınlarıdan və qazilərdən onların həyat və döyüş yolları haqqında müsahibələr götürüləcək. Vətən Müharibəsi zamanı torpaqlarımızın ərazi bütövlüyü uğrunda döyüşərək,canlarından keçən şəhidlərimizin igidlikləri haqqında sujetlər hazırlanacaq.

Layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirilir. 1 iyul tarixindən başlayan layihə 3 ay davam edəcək.