Özbəkistanın dəstəyi ilə Füzulidə tikilən məktəbin yaxın vaxtlarda açılışı gözlənilir. Azadmedia.az xəbər verir ki, bunu Azərbaycanın Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev “Özbəkistan və Azərbaycan: əməkdaşlığın yeni üfüqləri” mövzusunda “dəyirmi masa”da çıxışı zamanı deyib.

O, ərazi bütövlüyü məsələlərində Azərbaycana göstərilən daimi dəstəyə görə Özbəkistana minnətdarlığını bildirib.

"Bu gün Azərbaycan və Özbəkistan ikitərəfli münasibətləri inkişaf etdirir, eyni zamanda regional təhlükəsizliyin təmin edilməsi istiqamətində çalışır və mövcud reallıqlarla bağlı siyasətlərini yenidən qururlar", - o əlavə edib.