Daha 18 keçmiş məcburi köçkün ailəsi (65 nəfər) Laçına qayıdır.

Çərşənbə günü qrup Bakının Qaradağ rayonunda yerləşən Qobu Park 3 yaşayış kompleksindən yola düşüb.

Köçürülmə Azərbaycan Prezidentinin tapşırığına əsasən “Böyük Qayıdış” proqramı çərçivəsində həyata keçirilir.

Laçına köçürülən ailələr işğaldan əvvəl yaşadıqları və əraziləri azad edildikdən sonra dövlətimizin başçısının tapşırığı ilə yenidən tikilən evlərdə yerləşdiriləcək.