"QÜRUR" şəhid ailələri xeyriyyə ictimai birliyi "Vətən Müharibəsi Qələbəsi İgidləri" adlı sənədli filmin icrasını Gəncə şəhərində davam etdirir.
Layihə rəhbəri Naibə Behbudova bildirib ki, layihənin əsas məqsədi, Vətən Müharibəsi Qələbəsini bizə yaşadan igidlərimizin əziz xatirələrinin hər an yad edilməsi, yeniyetmə və gənclərimiz onların həyat və döyüş yollarını özləri üçün örnək olaraq götürməlidirlər: "Sənədli filmin icrasının davamı olaraq, növbəti səfəri, çəkiliş heyətilə birlikdə Gəncə şəhərinə ezam olunduq. İlk öncə tarixi qələbəni bizə yaşadan igidlərimizdən Oruc Vəliyevin məzarını ziyarət etdikdən sonra, şəhidimizin doğulub, boya-başa çatdığı evlərində, ailə üzvlərindən və qazilərdən onun həyat və döyüş yolları haqqında müsahibələr götürüldü".

Qeyd edək ki, layihə Azərbaycan Respublikasının Qeyri Hökumət Təşkilatlarına Dövlət Dəstəyi Agentliyinin maliyyə yardımı ilə həyata keçirirlir.

Allah bütün şəhidlərimizə rəhmət eləsin!