"Davamlı Turizmin İnkişafına Dəstək" İctimai Birliyi Azərbaycan Respublikası Qeyri-Hökumət Təşkilatlarina Dövlət Dəstəyi Agentliyinin 2023-cü il kiçik qrant müsabiqəsində “Təbiət Keşikçiləri Gənclər hərəkatı” ilə sən də təbiəti qoruyanlardan ol!” layihəsi ilə qalib olub. Layihə Ümummilli lider Heydər Əliyevin 100 illik yubileyinə həsr edilib.

Layihənin rəhbəri, "Davamlı Turizmin İnkişafına Dəstək" İctimai Birliyinin sədri, Ekologiya və Təbii Sərvətlər Nazirliyi yanında İctimai Şuranın sədr müavini Nərminə Qəribova bu yola Ulu Öndər Heydər Əliyevin "Mən istəyirəm ki, hamınız təbiəti qoruyanlar olasınız" şuari ilə daha çox gənci təbiəti qoruyan ruhda yetişdirmək məqsədi ilə yola çıxıb.

Layihə çərçivəsində nəzərdə tutulan daha bir tədbir Astara rayonu, Hirkan Milli Parkında təbiət qoynunda təşkil edilib. Maarifləndirici və əyləndirici tədbirdə təbiət keşikçilərinə təbiəti qorumağın vacibliyi, yolları və bu işdə dövlət qurumları ilə əməkdaşlığın qaydaları haqqında məlumat verilib. Gənclər Ekologiya və Təbii Sərvətlər Nazirliyi Yanında İctimai şuranın sədri Amin Məmmədov və sədr müavini Nərminə Qəribova tərəfindən geniş şəkildə məlumatlandırılıb. Bu fəaliyyətin həm də vətənə böyük bir xidmət olduğu bildirilib.

Qeyd edək ki, Azərbaycan Respublikası Qeyri-Hökumət Təskilatlarına Dövlət Dəstəyi Agentliyinin maliyyə dəstəyi ilə həyata keçirilən tədbir bir günlük tur şəklində keçirilib.

İştirakçılar qida (çay və yemək) və xüsusi geyimlə (köynək-papaq) təmin olunub.