Avqustun 18-i “Xaçmaz Kənd Təsərrüfatının İnkişafına Dəstək” İctimai Birliyi tərəfindən Xaçmaz rayonunun Niyazabad kənd inzibati ərazi dairəsində 20 nəfər kənd təsərrüfatı sahəsində çalışan sahibkarların iştirakı ilə “Kənd təsərrüfatı məhsullarının artırılması sahəsində sahibkarların maarifləndirilməsi” mövzusunda təlim keçirilib. Layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirilir.
Birliyinin sədri Famil Baxışov Niyazabad kənd inzibati ərazi dairəsini əhatə edən Niyazabad, Əbilyatağı, Qarabağlı, Ağçay, İlxıçı, Qarğalıq və İlxıçı Həsən Əfəndi təlimi açıq elan edib. Layihənin təlimçisi Nizami Musayev adı çəkilən mövzu ətrafında sahibkarlara geniş məlumat verib. Niyazabad inzibati ərazi dairəsində yaşayan sahibkarlar əsasən camışçılıqla məşqul olduqlarını bildiriblər. Mal-qaranın yem rasionuna uyğun yemləndirilməsi, tələbəta uyğun qüvvəli, qaba və sulu- şirəli yemlərin toplanılmasının təmin edilməsi, otlaqlardan səmərəli istifadə edilməsi, buzovların düzgün yemləndirilməsi, ət və süd məhsullarının emalını tələb edilən səviyyədə təşkil edilməsi qaydaları bir daha müzakirə edilib. Sahibkarlardan Fərhad Qafarov, Zahid Əbdülrəhmənov, Bəxtiyar Əhmədov və başqaları çıxış edərək belə layihələrin müntəzəm davamlı təşkil edilməsini təklif ediblər. Sahibkar Məhərrəm Məhərrəmov çıxış edərək tərəvəzçiliklə məşqul olduğunu bildirib. Əraziyə suvarma suyunun tələbəta uyğun olamamasından şikayətlənib. Ona görə də əvvəlki illərdən az məhsul əldə etdiyini bildirib. Təlimin sonunda ekspert Fərrux Əsgərovun köməkliyi ilə sahibkarlar təlimi fərdi qaydada qiymətləndiriblər.

Layihənin rəhbəri Famil Baxışov, təlimçi Nizami Musayev, Ekspert Fərrux Əsgərov təlimdə iştirak edən inzibati ərazi dairəsinin nümayəndəsi Oktay Əhmədova və iştirakçılara təşəkkür edərək təlimdə fəal olduqlarını bildiriblər.