Sentyabrın 2-də “Vərəmsiz Gələcəyə Doğru” İctimai Birliyi Sabunçu rayonu Gənclər Evində “Vərəm və hava-damcı yolu ilə ötürülən digər İnfeksion xəstəliklərin profilaktikası mövzusunda gənclər arasında maarifləndirmə işi” mövzusunda növbəti maarifləndirici təlim keçirib.

Birlikdən verilən məlumata görə, layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirilir. Layihənin məqsədi gənclər və onların ailə üzvləri arasında vərəm və digər İnfeksion xəstəliklərin yoluxma yolları və profilaktikası mexanizmləri barədə məlumatlılığın artırılması və müalicəyə bağlılığın səmərəliliyini yüksəltməklə yanaşı vərəm və digər infeksion xəstəliklərin profilaktikası, infeksion nəzarətin düzgün icra edilməsi və pasientlərin müalicəyə bağlılığının təmin olunmasının vacibliyini sadə şəkildə izah etməkdir.

Qeyd edək ki, təlimə Sabunçu rayonunun gəncləri, onların yaxın ailə üzvləri cəlb olunublar. Cəmiyyətin gələcək potensialı olan gənclər və onların yaxınları bu bilgilərdən istifadə etməklə xəstəliyin profilaktikası və xəstəliyə davamlı formaların yayılmasının və ətrafdakıları yoluxdurmamağın elmi yolları barədə məlumatlar dinləmiş olublar.