Dünəndən ali təhsil ocaqlarına qəbul olan tələbələrin qeydiyyatı başlayıb. Valideynlər arasında çaşqınlıq yaranıb. Azadmedia.az xəbər verir ki, valideynlər və tələbələr qeydiyyat üçün hansı sənədlərin sistemə yüklənməsi barədə müxtəlif fikirlərlə qarşılaşır. Çoxunu inandırmağa çalışırlar ki, bu işi özləri bacarmaz, ödənişlə mütəxəssislərə müraciət etsinlər. Poliklinikaların qarşısında da sıxlıq yaşanır, valideynlər sağlamlıq kağızı alıb pdf formasında qeydiyyat üçün yükləmək lazım olduğunu düşünür. Əslində qeydiyyat üçün nə lazımdı?
Məsələ ilə bağlı BDU-nun İctimaiyyətlə əlaqələr şöbəsinin rəhbəri Kəmalə Namazova ilə əlaqə saxladıq. Kəmalə xanım bildirdi ki, qeydiyyat üçün heç bir sənədin sistemə pdf formasında yüklənməsinə ehtiyac yoxdu. Sadəcə qeydiyyatdan keçib təhsil alacağını təsdiqləmək lazım. Yalnız oğlanlar üçün ağ biletin ilk 3 səhifəsini pdf şəklində daxil etmək lazımdı

Aşağıda tələb olunan sənədləri sentyabrın 14-nə qədər hazırlayıb ipli kağız qovluğa yığıb elan olunacaq vaxt tələbə özü ilə ali təhsil müəssisəsinə gətirməlidir.
Tələb olunan sənədlər:
1.Şəxsiyyət vəsiqəsinin surəti
2.Tam orta təhsil haqqında attestat(subbakalavrlar diplom)
3.Sağlamlıq kağızı(forma86)
4.Ağ bilet(oğlanlar)
5.Ödənişli fakültəyə qəbul olanlar(ödənişin qəbzi)
6.Ödənişdən azad olunanlar üçün arayış
7.Qəbul olmaq haqqında çıxarış
Elnurə