İqtisadi İnkişafa və Aqrar Layihələrə Dəstək İctimai Birliyi 07 sentyabr 2023-cü il tarixdə Ucar rayonunun Şahlıq kəndində “Şəhid ailələri və qazilərin kənd təsərrüfatı işlərində əməyin yüngülləşdirilməsinə dəstəyin göstərilməsi məqsədilə tədbirlərin təşkili” layihəsinin icrasının yekununa dair Dəyirmi Masa keçirilib.

Birlikdən verilən məlumata görə, dəyirmi masada 23 nəfər iştirak edib. Layihə eksperti Yaşar İsgəndərov layihə fəaliyyəti və məqsədi barədə geniş məlumat verib: “Ucar rayonunun Ramal, Şahlıq və Qaradağlı kəndlərində şəhid ailələri, qazilər və fərdi fermerlərin innovativ kiçik həcmli aqrotexniki avadanlıqlardan istifadə etməklə əl əməyinin yüngülləşdirilməsinə dair bacarıqlarının artırılması sahəsində müxtəlif mövzularda təlimlər keçirilib. Təlimlərdən faydalanan iştirakçılar layihənin aktuallığından və qeyd edilən texnologiyanın tətbiqindən yararlanaraq əl əməyini yüngülləşdirərək gələcəkdə daha çox kənd təsərrüfatı məhsullarının istehsalından danışıblar. Belə ki, kiçik kənd təsərrüfatı texnikasının (motoblok) tətbiqi nəticəsində aşağıdakı əl əməyinin yüngülləşdirilməsinə nail olunacaqdır”.

Layihə təlimçisi Nizami Musayev çıxış edərək qeyd edib ki, “Motoblok” əkin işlərini asanlaşdırmaq üçün istifadə olunan kiçik bir kənd təsərrüfatı vasitəsidir: “Motoblok müxtəlif tətbiq sahələrinə malikdir və əkinçilik, bağçılıq və ya torpaq hazırlığı kimi bir çox müxtəlif sahələr üçün istifadə edilə bilər. Bunlardan əsasən torpağın hazırlanması, torpağı şumlamaq və hamarlamaq və toxum əkmək üçün əlverişli zəmin yaratmaq üçün faydalıdır. Həmçinin əkin işlərinin aparılması müxtəlif bitkilərin toxumlarının və ya şitillərinin əkilməsi prosesini sürətləndirə bilər. Cərgələrarası baxım- bitkilər arasında cərgələrə qulluq edərkən yan dırmıqlardan və ya motoblokun müxtəlif aksessuarlarından istifadə etməklə alaq otlarını təmizləmək daha asan olur. Torpaq qazma -torpağı dərin qaza bilir ki, bu da torpağın havalandırılması və daha yaxşı kök inkişafı üçün faydalı ola bilər, qar təmizləmə -motobloklar qar təmizləmə əməliyyatlarında da istifadə edilə bilər. Çiləmə və gübrələmə- motobloklar bağ pestisidlərinin və ya gübrələrin paylanması üçün xüsusi aksesuarlarla təchiz oluna bilər. Nəqliyyat- motobloklar kiçik yüklərin daşınması üçün istifadə edilə bilər. Motoblokun hər bir modeli fərqli xüsusiyyətlərə malik ola bilər, buna görə cihazın istismar təlimatlarına və texniki xüsusiyyətlərinə diqqət yetirmək vacibdir.

Qeyd edək ki, layihə iştirakçıları layihənin region üçün aktual olduğunu, təlimlərdə əldə etdikləri bacarıqların onların təsərrüfat fəaliyyətinin inkişaf etdirilməsində böyük əhəmiyyət daşıyacağını qeyd etməklə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinə və “İİALD” İctimai Birliyinə öz təşəkkürlərini bildiriblər.