Yerli KİV-lərdə "Noyabr ayında Azərbaycan dünyada birinci yeri tutdu" adlı başlıq görmüsünüzmü? Təxmin edirəm ki, yox, amma bir statistikaya görə Azərbaycan noyabr ayında dünya üzrə birinci yeri tutub. Bu da qızılça xəstəliyinə yoluxan şəxslərin sayına görədir.

Ümumdünya Səhiyyə Təşkilatına Azərbaycan tərəfinin təqdim etdiyi məlumata görə, 2023-cü ilin noyabr ayı ərzində ölkə ərazisində 2919 nəfər qızılca xəstəliyinə yoluxub. İl ərzində bu 3316 nəfər deməkdir. Maraqlıdır ki, Dövlət Statistika Komitəsinə eyni səhiyyə qurumunun təqdim etdiyi məlumata görə, müvafiq göstərici 1493 nəfər təşkil edib. Yəni eyni statistikadır - yerli quruma bir rəqəm, beynəlxalq quruma isə başqa rəqəm təqdim olunur.
Qeyd: Məlumat Çəpəki teleqram kanalından götürülüb.