Bakı, 10 mart — Azadmedia.az


Milli Məclisin deputatı İqbal Məmmədov MDB Parlamentlərarası Assambleyasının Nəzarət-büdcə komissiyasının iclasında iştirak etmək üçün martın 9-da Rusiya Federasiyasının Sankt-Peterburq şəhərinə səfər edib.

Deputat İqbal Məmmədov Rusiyada MDB PA-nın Büdcə-Nəzarət Komissiyasının iclasında iştirak edib.

Azadmedia.az xəbər verir ki, bu barədə Milli Məclisin İqtisadi siyasət, sahibkarlıq və sənaye komitəsinin üzvü İqbal Məmmədov Facebook sosial media hesabı üzərindən bildirib ki,
“Rusiya Federasiyasinin Sankt-Peterburq
şəhərində işgüzar səfərim çərçivəsində
Müstəqil Dövlətlər Birliyi Parlamentlərarası
Assambleyasına (MDB PA) üzv ölkələrin
parlament nümayəndələri və müxtəlif vəzifəli
şəxslrlə birlikdə MDB PA-nın gələcək
büdcəsinin formalaşdırılması və icrası ilə
elaqədar Büdcə-Nəzarət Komissiyasının
iclasında iştirak edirik. İclasda Assambleyanın
fəaliyyətindəki maliyyə məsələləri ilə yanaşı
bir sira qərar layihələri uzərində də iş aparmaqdayıq.”

Qeyd edək ki, Milli Məclisin ictimaiyyətlə əlaqələr şöbəsi bildirir ki, iclasda quruma üzv dövlətlərin 2022-ci ilin maliyyə öhdəliklərinin yerinə yetirilməsi və 2023-cü ilin birinci rübündə MDB PA-nın büdcəsinə üzvlük haqlarının köçürülməsi, təşkilatın fəaliyyətinin təmin edilməsi üzrə gəlir və xərclərin smeta layihələri, MDB PA Şurasının “MDB-yə üzv dövlətlərin Parlamentlərarası Assambleyasının fəaliyyətinin maliyyələşdirilməsi haqqında” qərar layihəsi və digər məsələlərə baxılacaq.

Ü. Piriyeva