16 sentyabr tarixində Çexiyanın paytaxtı Praqa şəhərində keçirilən gənclər arasında Avropa çempionatının ikinci günündə cüdoçularımız 2 qızıl medala sahib olublar.

-73 kq. çəkidə Vüsal Qələndərzadə final görüşündə İtaliya təmsilçisi Luiqi Sentrakçionu məğlub edərək Avropa çempionatının qızıl medalını qazanıb.

-81 kq. çəkidə Elcan Hacıyev qızıl medal uğrunda görüşdə italiyalı rəqibinə 1 dəqiqə 25 saniyə ərzində "ippon"la qalib gələrək Avropa çempionu olub.

Qeyd edək ki, çempionatın ilk günündə -60 kq. çəkidə mübarizə aparan cüdoçumuz Turan Bayramov gümüş medal qazanıb.