"Yuventus", "Çelsi" və "Fiorentina"da oynaması ilə tanınan Adrian Mutu Azərbaycanın "Neftçi"sinin baş məşqçisi olacaq. Hazırda rumıniyalı mütəxəssis Sankt-Peterburqdadır.
Bakının "Neftçi" futbol klubu yaxın vaxtlarda yeni baş məşqçi alacaq. O, Rumıniya futbolunun ulduzu Adrian Mutu olacaq.

Mentor hazırda Azərbaycan komandasının “MATCH TV Cup”da çıxış etdiyi Sankt-Peterburqdadır. O, "Rapid Buxarest"in baş məşqçisi vəzifəsindən istefa verib.

Qeyd edək ki, "neftçilər" sosial şəbəkələrdə "Çox qalmayıb. Hər şey yaxşı olacaq" mesajı yayıblar. Mətbuatın yazdığına görə, Mutunun maaşı təxminən 650 min avro olacaq.

Xatırladaq ki, Mutu London “Çelsi”, Turin “Yuventus” və “Fiorentina”dakı çıxışları ilə tanınır.