Mərmərə dənizində taxıl daşıyan iki yük gəmisi toqquşub.
Azadmedia.az xəbər verir ki, bu barədə Türkiyə Sahil Təhlükəsizlik Xidməti məlumat yayıb.
Belə ki, “Ukraynanın İzmail limanından Valensiyaya üzən, göyərtəsində buğda olan 122 metrlik “Haje Halimeh” gəmisi Mərmərə dənizində Rusiyanın “Qafqaz” limanından İsrailin Aşdod şəhərinə taxıl daşıyan 169 metr uzunluğundakı “Asomatos” gəmisi ilə toqquşub”, - deyə məlumatda qeyd olunub.
Həmçinin bildirilib ki, hadisə zamanı xəsarət alan olmayıb, ekoloji ziyan qeydə alınmayıb.