20 aprel 2023-cü il tarixində “Heydər Əliyev-100 Azərbaycanda qadın hərəkatının inkişafı” kitabının təqdimat mərasimi keçirildi.

Ulu öndər Heydər Əliyevin 100 illik yubileyinə həsr edilmiş kitab dahi şəxsiyyətin həm sovet dövründə, həm də müstəqillik illərində Azərbaycanda qadın hərəkatının inkişafındakı əvəzedilməz rolundan bəhs edir.
Azadmedia.az xəbər verir ki, kitabda elm, təhsil, mədəniyyət və incəsənət sahəsində, eləcə də ictimai-siyasi həyatında və dövlət idarəçiliyində yüksək vəzifələrdə çalışan nüfuzlu Azərbaycan qadınlarının Ümummilli liderin Vətənimiz qarşısında misilsiz xidmətlərinə həsr etdikləri elmi, publisistik məqalələri və xatirələri toplanmışdır.
Ailə, Qadın və Uşaq Problemləri üzrə Dövlət Komitəsinin rəhbəri Bahar Muradovanın təşəbbüsü və təşkilatçılığı ilə keçirilən tədbirdə çıxış edənlər Ulu Öndərin həyat yoluna nəzər salmış, xatirələrini bölüşərək onunla canlı görüşdükləri üçün özləri şanslı insanlardan hesab etdiklərini vurğulamışlar.