1 iyul tarixindən Xəzər rayonunda Qadınların Sosial İnkişafına Dəstək İctimai Birliyi tərəfindən "Xəzər rayonunda həssas qrupdan olan qadın və qızlar üçün kiçik sahibkarlıq və özünəməşgulluq fəaliyyətləri barədə maarifləndirmə tədbirlərinin təşkili" layihəsinin icrasına başlanılıb.

Birliyin sədri Lalə Cəfərova bildirib ki, layihə Azərbaycan Respublikasının Qeyri- Hökümət Təşkilatlarına Dövlət Dəstəyi Agentliyinin maliyyə dəstəyi ilə icra olunur: “Layihənin əsas məqsədi Xəzər rayonunda həssas qrupdan olan qadın və qızları sahibkarlıq və özünəməşğulluq fəaliyyətləri barədə maarifləndirmək, bu fəaliyyətləri təbliğ etməkdir. Həmin qadınların gələcəkdə özünəməşğulluq fəaliyyətinə müraciət etməsinə dəstək olmaqdır”.

Qeyd edək ki, layihənin müddəti 3 ay - 1iyul-30 sentyabr tarixləri arasında davam edəcək. Fəaliyyət planına əsasən bu istiqamət üzrə 5 maarifləndirici görüşün keçirilməsi, 75 nəfər qadının tədbirlərdə iştirakı nəzərdə tutulub.