Şabran şəhər İcmasının İnkişafı üzrə Təlim və Resurs ictimai birliyinin təşkilatçılığı ilə həyata keçirilən “Şabran rayonunda sağlam həyat naminə ekoloji təmiz qida məhsullarından istifadənin təbliği” mövzusunda maarifləndirici təbliğat və təşviqat işlərinin təşkili layihəsi çərçivəsində rayonun Ağalıq kəndində ilk dəyirmi masa tədbiri keçirilib.

Şabran şəhər İcmasının İnkişafı üzrə Təlim və Resurs ictimai birliyinin sədri, layihə rəhbəri Gülsənəm Əmrahova QHT.az–a bildirib ki, layihə Azərbaycan Respubliukasının Qeyri – Hökumət Təşkilatlarına Dövlət Dəstəyi Agentliyinin maliyyə yardımı və Şabran rayon İcra Hakimiyyəti başçısının mənəvi dəstəyi təşkil olunub: “Tədbirdə Ağalıq İnzibati Ərazi Dairəsi üzrə nümayəndəsi Araz İsmayılov, Qida Təhlükəsizliyi Agentliyinin Quba-Xaçmaz Regional bölməsinin Qeydiyyat və Sahibkarlarla iş sektorunun böyük məsləhətçisi Kamran Qurbanov, Şabran şəhər İnzibati Ərazi Dairəsi üzrə nümayəndə müavini Rəşad Əmrahov və Ağalıq kənd ictimaiyyətinin nümayəndələri iştirak ediblər”.

Qeyd edək ki, tədbirdə sağlam həyat naminə ekoloji təmiz qida məhsullarından istifadənin təbliği mövzusunda sakinlərə ətraflı məlumat verilib, tövsiyələr olunub, iştirakçılara layihənin motivləri əsasında çap etdirilmiş bukletlər paylanılıb. Keçirilən tədbir iştirakçılar üçün ekoloji təmiz qidalanmaya olan müasir baxış tərzinin formalaşmasında aktuallıq kəsb edibdir.