Əməkdaşları Qarabağ ermənilərinə humanitar yardım aparan yük maşınlarını müşayiət edən Azərbaycan Qızıl Aypara Cəmiyyətinin çadır şəhərciyinə elektrik enerjisi verilib.

Azadmedia.az xəbər verir ki, “Ağdam-2” yarımstansiyasından Ağdam-Əsgəran-Xankəndi yolu ilə ərzaq karvanının dayandığı əraziyə qədər 1500 metr uzunluğunda elektrik verilişi xətti çəkilib.

Qeyd edək ki, avqustun 29-da Azərbaycan Qızıl Aypara Cəmiyyəti Qarabağda yaşayan erməni əsilli sakinlərə 40 ton un göndərib. Hazırda yük maşınları Ağdam-Xankəndi yolunda Rusiya sülhməramlılarının postundadır. Xankəndinə ərzaq yüklərinin çatdırılması üçün şərait yaradılması xahişi ilə Rusiya sülhməramlı kontingentinin komandanlığına müraciət göndərilib. Eyni zamanda separatçılar yükü buraxmaqdan imtina edirlər.