"Bağdad özünü qoruya bildiyi üçün “İslam Dövləti” terror təşkilatına qarşı mübarizə aparmaq üçün yaradılmış beynəlxalq hərbi koalisiyanın öz ərazisindən çıxarılmasına çalışır".

Bu barədə İraqın baş naziri Məhəmməd Şia əl-Sudani deyib.

O vurğulayıb ki, İraq özünü terrordan qoruya bilər və öz ərazisi üzərində tam suverenlikdən istifadə etməlidir.

Onun sözlərinə görə, beynəlxalq koalisiyanın İraqda mövcudluğuna son qoyulması daxili və regional təhlükəsizliklə bağlı məsələlərdə gərginliyin və çaşqınlığın qarşısını alacaq.

Bundan əvvəl “Politico” xəbər verib ki, əl-Sudani ABŞ rəsmilərinə İraqın ABŞ qoşunlarının çıxarılması tələbinin “daxili auditoriyanı qane etmək cəhdi” olduğunu deyib, lakin əslində hakimiyyət ABŞ qoşunlarını saxlamaq üçün danışıqlara sadiqdir.

Hazırda İraqda təxminən 2,5 min ABŞ əsgəri var. Onlar yerli əsgərlərə İslam Dövlətinin qalan döyüşçüləri ilə döyüşmək üçün təlim keçir.