Vaqner PMC-nin yaradıcısı Yevgeni Priqojinin olduğu təyyarəyə heç bir xarici təsir olmayıb, təyyarə qəzasında həlak olanların cəsədlərində əl qumbaralarının izləri aşkar edilib. Bunu Rusiya prezidenti Vladimir Putin Valday plenar iclasında deyib.

“Bilirəm, yəqin ki, şirkət rəhbərliyinə nə baş verdiyi sualı havada qalır. Təyyarə qəzasından xəbərimiz var, bu gün İstintaq Komitəsinin rəhbəri mənə məlumat verdi. Təyyarə qəzasında həlak olanların cəsədlərindən əl qumbaralarının parçaları tapılıb. Təyyarəyə heç bir kənar təsir olmayıb, bu artıq təsdiqlənmiş faktdır, Rusiya İstintaq Komitəsinin apardığı ekspertizanın nəticəsidir”, - Putin bildirib.