274 saylı məktəbdə 2022-2023-cü tədris ilinin ilk Pedaqoji Şurasının iclası keçirilib.

Azadmedia.az xəbər verir ki, iclasda 274 saylı məktəbin direktoru Nəriman Mürsəliyev və məktəbin pedaqoji kollektivi iştirak edib.

Belə ki, ilk Peqdoji Şuranın İclası 12-14 sentyabr tarixlərində şəhid olmuş qəhrəman əsgərlərimizin əziz xatirəsinin bir dəqiqəlik sükutla yad edilməsi ilə başlayıb.

Qeyd edək ki, Pedaqoji Şurada cari tədris ili üçün qarşıda duran vəzifələr, şagird kontingentinin komplektləşdirilməsi, dərsdənkənar və dərnək məşğələlərinin təşkili, dərs bölgüsü, fənn metod birləşmələrinin təşkili haqqında hesabatlar verilib.

Sonda məktəbin direktoru Nəriman Mürsəliyev çıxışında qeyd olunan məsələlərlə bağlı tapşırıq və tövsiyələrini verərək, 2022-2023-cü tədris ilində məktəbin pedaqoji kollektivinə uğurlar arzulayıb.