Macarıstan AB-yə Ukrayna ilə strateji tərəfdaşlıq sazişi bağlamağa və əməkdaşlığın səviyyəsini yüksəltməyi təklif edir, lakin Kiyevin Birliyə daxil olmasına imkan vermir. Azadmedia.az xəbər verir ki, bunu Macarıstanın Baş naziri Viktor Orban deyib.

Belə ki, “Ukraynalılarla kənd təsərrüfatı, gömrük və təhlükəsizlik kimi müxtəlif məsələlər üzrə razılaşmanı nəzərdə tutan strateji tərəfdaşlıq sazişi bağlamağı təklif edirəm. Əməkdaşlığımızın artırılmasının tərəfdarıyam, lakin bu, üzvlük demək deyil”, - o bildirib.

Həmçinin Orban qeyd edib ki, əgər bu şərtlər yerinə yetirildikdən sonra Ukraynanı Avropaya yaxınlaşdırmaq mümkün olarsa, bir neçə ildən sonra növbəti addımları nəzərdən keçirmək mümkündür.
Qeyd edək ki, o Fransa Prezidenti Makronu belə tədbirlərin zəruriliyinə inandırmaq istədiyini vurğulayıb.