Bakı, 8 dekabr — Azadmedia.az

Paşinyan təkrarladı, “İrəvan, Zəngəzur, Göyçə Azərbaycan torpaqlarıdır”.

“Ağıllı ermənilər Göyçə və Zəngəzuru tərk edirlər. Onlar bilirlər ki, bura onların torpaqları deyil.”

Azadmedia.az xəbər verir ki, bu barədə mühəndis-ekoloq, ekspert Budaq Əliyev Qərbi Azərbaycan Xronikası layihəsi çərçivəsində rus dilində BAKU TV-yə müsahibə verib.

Ekspert B. Əliyev, Qərbi Azərbaycan mövzusunun bugün aktual xarakter daşıdığını və bütün  soydaşlarımızı yaxından maraqlandırdığını vurğulayıb. O bildirib ki, hazırda üç yüz mindən çox insan Qərbi Arbaycana dönüşünü gözləyir. Bununla yanaşı o öz mövqeyindən bildirib ki, təcavüzkar ermənilər tərəfindən əsrlər boyu xalqımıza qarşı soyqırımı siyasəti həyata keçirilib. Onların məqsədi azərbaycanlıları tarixi torpaqlarından qovmaq, öz havadarlarının köməyi ilə o torpaqlarda məskunlaşmaq olub. Bəli, azərbaycanlılar tədricən doğma torpaqlarından qovulub, onların doğma torpaqlarında başqa yerlərdən köçürülmüş ermənilər məskunlaşdırılıb. Yerləşdikləri yerlərdə də toponimləri dəyişiblər. Təbii ki, bütün bunlar xalqımıza qarşı edilən ən böyük ədalətsizlikdir. Bütün etdiklərini danan emənilər hər zaman beynəlxalq tədbirlərdə də bizi alçaltmağa çalışıblar, yerində faydalanmaqdan yana olublar, onlar hətda dostluqda belə fayda axtaran tərəf olublar. Bu mənada bir ekoloq kimi də qeyd edə bilərəm ki, onlar məskunlaşdıqları ərazilərdə də ekoloji dəhşətlər törədiblər. Onlar hətda Qırmızı kitaba daxil olan endemik ağacları belə məhv ediblər. Ancaq hər nə olursa olsun, doğma torpaqlarımıza azərbaycanlılar özləri yerləşəcəklər. Elə Paşinyanın da dəfələrlə təkrarladığı kimi “İrəvan, Zəngəzur, Göyçə Azərbaycan torpaqlarıdır.”