Rusiyada seçicilər qrupu Vladimir Putinin prezident seçkilərində müstəqil namizədliyini dəstəkləyib.

Azadmedia.az xəbər verir ki, dekabrın 16-da Moskvada seçicilər qrupunun yığıncağı keçirilib. Seçicilər 2024-cü ildə keçiriləcək növbəti prezident seçkilərində Vladimir Putinin müstəqil namizəd kimi irəli sürülməsini dəstəkləyib.

Belə ki, yığıncaqda V.Putinə dəstək qrupunun və səlahiyyətli qrupların yaradıldığı elan olunub.

Həmçinin səlahiyyətli qruplara O.Y.Kutafin adına Moskva Dövlət Hüquq Universitetinin rektoru Viktor Blajeyev, hüquqşünaslar İnna Yerşova, Sergey Kostenko və Albina Hacıyeva daxildir.

Qeyd edək ki, yığıncaqdan sonra seçicilər qrupu Rusiya Mərkəzi Seçki Komissiyasına müstəqil namizəd Vladimir Putinin qeydiyyatı üçün müraciət edəcək.