BMT Təhlükəsizlik Şurasının qəbul etdiyi humanitar qətnamə Qəzzada vəziyyəti dəyişməyəcək, bunun üçün atəşkəs lazımdır. Azadmedia.az xəbər verir ki, bu barədə Rusiya Xarici İşlər Nazirliyindən bildirilib.

Belə ki, "BMT Təhlükəsizlik Şurasının yeni 2720 saylı qətnaməsi, hərbi əməliyyatların dayandırılması üçün əsas tələb olmadan, bu fəlakətli vəziyyəti düzəldə bilməz. BMT-nin Baş katibi və ixtisaslaşmış humanitar qurumların rəhbərləri Qəzzaya yardımın çatdırılmasının mümkünsüzlüyünü dönə-dönə vurğulayırlar", - deyə Rusiya XİN-dən verilən bəyanatda qeyd olunub.