AzadMedia
Telegram Facebook Twitter Youtube Instagram

Jurnalistlər arasında şahmat üzrə komanda yarışına start verilib

  • + A
  • - A
  • 13-07-2022, 12:27

    Jurnalistlər arasında şahmat üzrə komanda yarışına start verilib

    22 iyul Milli Mətbuat Gününə həsr olunan jurnalistlər arasında şahmat üzrə komanda yarışına start verilib. Respublika Şahmat Mərkəzində “Azərlotereya”nın baş sponsorluğu ilə təşkil olunan turnirin qrup mərhələsinin oyunları keçirilib.
    İlkin qeydiyyata 56 jurnalistin müraciət etməsinə baxmayaraq yarışda 32 media nümayəndəsi təmsil olunub. İki nəfərdən ibarət olan komandalar püşk nəticəsində müəyyənləşib. Qrup mərhələsi dairəvi sistemlə baş tutub. Hər qrupda 8 komandanın mübarizə apardığı turnirdə ilk dördlük 1\4 finala vəsiqə qazanıb.
    “FutbolTrend” komandası (Faiq Tahirov, Vüqar İmanov) 5 qələbə və 2 heç-heçə ilə 1\4 finala lider kimi vəsiqə qazanıb. A qrupunda ilk dördlükdə qərarlaşan “Master” (Murad Əliyev, Seymur Baxşıyev), “Savalan” (Elmidar Əliyev, Samirə Allahverdiyeva) və “Veni Vidi Vici” (Seymur Teymurov, Vüqar Məmmədov) komandaları final mərhələsinə yüksəlib.
    B qrupunda “Qoallisimo” (Aysel Adıgözəlli, Səddam Laçın) 3 qələbə və 4 heç-heçə ilə 10 xal toplayaraq liderliyi təmin edib. Eyni zamanda “Firavan” (Pünhan Şükür, Bəxtiyar Məcidli), “Ağ-qara” (Sərxan Musalı, İman Məcidov) və “Siciliya müdafiəsi” (İlkin Vidadioğlu, İbrahim Məmmədov) kollektivləri 1\4 finalda iştirak etmək imkanı qazanıb.
    Beləliklə, B qrupunun lideri “Qoallisimo” 1\4 finalda digər qrupda dördüncü yeri tutan “Veni Vidi Vici” ilə qarşılaşacaq. 1\4 finalda “Firavan”-“Savalan”, “Master”-“Ağ-qara”, “FutbolTrend”-“Siciliya müdafiəsi” görüşləri baş tutacaq.
    1\4 finaldan etibarən yarış olimpiya sistemi ilə davam edəcək. Növbəti mərhələdə komandalar iki oyun keçirəcəklər.
    Çempionatın qalibləri 22 iyul Milli Mətbuat Günü ərəfəsində mükafatlandırılacaq. İlk üç yeri tutacaq komandalara pul mükafatı, sponsorlardan qiymətli hədiyyələr və diplom təqdim olunacaq. Eyni zamanda bağlanış mərasimində Təşkilat Komitəsi xüsusi nominasiyalar üzrə qalibləri elan edəcək.
    Turnirin baş hakimi Azərbaycan Şahmat Federasiyasının Texniki direktoru Rəhim Qasımovdur.
    Qeyd edək ki, jurnalistlər arasında şahmat çempionatı “Azərloteraya”nın baş sponsorluğu, Coca Cola, yapon saatı markası CASIO EDIFICE, Cinema Plusun sponsorluğu, Azerçay və Cofe Enjoy-un tərəfdaşlığı ilə keçiriləcək.





    www.AzadMedia.az

    Mətndə səhv var? Onu siçanla seçin və Ctrl+Enter düyməsini basın.
    OXŞAR XƏBƏRLƏR

    Köşə
    XƏBƏR LENTİ
    BÜTÜN XƏBƏRLƏR