Prezident təqaüdçüsü, Azərbaycan Yazıçılar Birliyinin üzvü, şair Emil Rasimoğlunun 30 illiyi ilə əlaqədar müasirlərinin qələmə aldığı "Göy üzündə göz açan adam" toplusu çapdan çıxıb.

AzadMedia.az xəbər verir ki, kitabda Prezident təqaüdçüsünün həyat və yaradıcılığı haqqında sənət adamlarının, həmkarlarının fikirləri yer alıb. Fikir bildirənlər arasında həm yaşlı, həm orta, həm də gənc nəslin nümayəndələri var.

Müəlliflər sürreal-dadaist şair Emil Rasimoğlu haqqındakı düşüncələri ilə onun ictimai və poetik portretini cızıblar.

Qeyd edək ki, 30 yaşlı şairin şeirləri mütəmadi olaraq ölkə hüdudlarından kənarda - Rusiya, İran, Özbəkistan mətbuatında dərc olunur.

Emil Rasimoğlu 2019-cu ildə Prezident təqaüdünə və Mədəniyyət Nazirliyinin Fəxri diplomuna layiq görülüb.