Azadmedia.az xəbər verir ki, 17.12.2021 tarixində Eskişehir Azərbaycanlılar Dərnəyi tərəfindən “Dəmir Mizrab” başlığı altında azadlığa uzanan tədbir keçirilib.

Belə ki, 50 nəfərin iştirakı ilə keçirilən tədbirdə şəhidlərə həsr olunmuş bir dəqiqəlik sükutdan sonra Türkiyə və Azərbaycanın dövlət himnləri səsləndirilib.

Daha sonra bütün həyatını azərbaycançılıq məfkurəsinə həsr etmiş Güney azərbaycanlı Həsən Dəmirçinin həyatından bəhs edən “Dəmir Mizrab” sənədli filmi nümayiş etdirilib.

Sənədli filmdə Həsən Dəmirçinin gənclərə vətənə məhəbbətin aşılanması, onların milli ruhda yetişdirilməsi üçün göstərdiyi fədakarlıqlardan söz açılıb.

Tədbirdə Azəryar Danişverin “Güney Azərbaycan İncəsənət Hekayəsi” danışılmış və o, öz şeiri ilə iştirakçıları təsirləndirib. Tədbir Sonay Ruhi və Elcan Danişverin ifasında musiqili proqramla davam etdirilib.

Qeyd edək ki, “Eskişehir Azərbaycanlılar Dərnəyi”ndən Cavid Aydın bağlanış nitqi ilə çıxış edərək bütün qonaqlara təşəkkürünü bildirib.

Sonda aktiv iştirak edən musiqiçilərə və iştirakçılara “Təşəkkürnamə” təqdim edilərək xatirə şəkli çəkdirilib.
Eskişehir Azərbaycanlılar Dərnəyi
Layihə koordinatoru
Bəxtiyar Qarayev