Milli maraq: Vatikan Papanın dəfn mərasimi zamanı PLA-nın hücumundan qorxurdu

Vatikan hakimiyyəti Papa Fransiskin dəfn mərasimi zamanı mümkün dron hücumundan qorxurdu. Bu barədə “National Interest” jurnalı mənbələrə istinadən məlumat yayıb.

"Papanın dəfn mərasimi zamanı havadan gələn təhlükələrin qarşısını almaq üçün bütün təyyarələrin uçuşlarına tam qadağa da daxil olmaqla, Vatikanın hava məkanı bağlanıb", - məqalədə deyilir.

Qeyd olunur ki, Vatikanda olduğu kimi, Romada da minlərlə hərbçi, o cümlədən zenit-raket kompleksləri ilə silahlanmış əsgərlər vəzifə yerinə yetirirdi.

Nəşrin məlumatına görə, hakimiyyət ən çox asanlıqla ciddi öldürücü gücə malik tam silaha çevrilə bilən kiçik əldəqayırma dronların hücumundan qorxurdu.

Papa Fransisk aprelin 21-də vəfat edib.Onun 88 yaşı var idi. Aprelin 26-da Müqəddəs Pyotr Bazilikasının qarşısındakı meydanda pontifikin xatirəsinə həsr olunmuş mərasim keçirilib. Katolik kilsəsinin rəhbərinin vəsiyyətinə əsasən, o, Romadakı Santa Maria Maggiore bazilikasında dəfn edilib.