Avqust ayının əvvəlindən eko-həftəliyə başlamış "Səma və Eko sosial -iqtisadi inkişafa yardım" İctimai Birliyi "Ekologiya sahəsində ictimai maraqların dəstəklənməsi" adlı eko-lahiyəsi çərçivəsində Daşkəsən rayonu Əmirvar kəndindən keçən çayın kənar ərazilərində zibilliklərdən təmizlənmə və ictimai eko-aksiya təşkil olunub.

Avqust ayının 17-də təşkilatın rəhbəri İradə Həsənovanın rəhbərliyi ilə könüllülər, məktəb şagirdləri və kəndin sakinlərinin iştirak etdiyi aksiya ekoloji maarifçilik kampaniyası kimi həyata keçirilib. 2 aylıq ekoloji -sosial layihə Daşkəsən rayonunun Əmirvar kəndində təmiz, cəlbedici yaşayış mühitinin yaradılması, kənd Eko turizmin inkişaf etdirilməsi, onların respublikanın başqa bölgələrdəki kənd yerlərində təcrübə kimi tətbiq edilməsinin nəzəri-praktik tərəflərinin hazırlanmasına yönəlib.

Qeyd edək ki, layihə Azərbaycan Respublikasının Qeyri -Hökumət Təşkilatlarına Dövlət Dəstəyi Agentliyinin maliyyə dəstəyilə həyata keçirilir.