“Sabirabadda Qadınların Sosial İnkişafına Dəstək” İctimai Birliyi “Qadınların innovativ peşə bacarıqlarının artırılması ilə iş axtarma imkanlarının genişləndirilməsinə dəstəyin göstərilməsi məqsədilə tədbirlərin təşkili” layihəsini icra edir.

Birlikdən verilən məlumata görə, layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə təşkil olunur. Layihənin əsas məqsədi rayon və kənd yerlərində yaşayan iş axtaran qadınların peşə bacarıqlarına yiyələnməsinə dəstək olmaqdır. Layihə fəaliyyətləri 15 nəfər qadının təlim kursları vasitəsilə İKT biliklərinin artırılmasına hədəflənib. Əldə edilmiş biliklər onların iş axtarma imkanlarının artırılmasına dəstək verəcəkdir. Təlimlərin sonunda iştirakçıların sertifikatlarla təltif olunması nəzərdə tutulub. Təlimlər davam edir.

Qeyd edək ki, layihənin müddəti dörd ay nəzərdə tutulub.