Kanadanın Britaniya Kolumbiyası əyalətində anomal istilər səbəbindən 700-dən çox ölüm halı qeydə alınıb.

Azadmedia.az xarici mətbuata istinadən xəbər verir ki, bu barədə əyalətin baş koroneri Liza Lapoynt bildirib.

Onun sözlərinə görə, iyunun 25-dən iyulun 1-dək gün vurmadan 719 ölüm halı qeydə alınıb ki, bu da normadan üç dəfə çoxdur.

Rekord temperatur göstəricisi kiçik Litton şəhərində də qeydə alınıb. Burada istidən bütün evlər yanıb. Şəhərcik yer üzündən silinib.

Yüksək temperatur səbəbindən baş vermiş meşə yanğını iyunun 30-da bütün şəhərciyi bürüyüb, min nəfərə yaxın sakin təxliyə edilib.

Anomal istilər ABŞ-da da insanların həyatına son qoyub. İyunun 25-dən Vaşinqton və Oreqon ştatlarında 79 nəfər dünyasını dəyişib.