Ukrayna Prezidenti Volodimir Zelenski Avropa ölkələrinin liderlərinin Rusiyaya səfər etməsini məqsədəuyğun hesab etmir. Onun sözlərini Deutsche Welle (Rusiyada arzuolunmaz təşkilat və xarici agent kimi tanınıb) yayıb.
Zelenski bu barədə Berlində keçirilən “Könüllülər koalisiyası” sammiti çərçivəsində danışıb. O bildirib ki, Avropa liderlərinin Moskvaya səfər etməsi uyğun addım olmazdı.
Ukrayna lideri alternativ olaraq danışıqların neytral ərazidə, üçüncü bir ölkədə keçirilməsini təklif edib. Onun fikrincə, belə bir görüş hər iki tərəfin dialoqa hazır olduğunu nümayiş etdirməsi baxımından daha məntiqli olardı.
Xatırladaq ki, noyabrın 19-da Rusiya Prezidenti Vladimir Putin Çinə səfərinin yekunlarına dair mətbuat konfransında Moskvanın Avropa İttifaqı nümayəndələrini Rusiyaya dəvət etdiyini açıqlayıb. Putinin sözlərinə görə, bu görüşün məqsədi Avropa tərəfinin mövqeyini öyrənmək və Ukrayna münaqişəsinin həlli ilə bağlı dialoqu davam etdirməkdir.
Rusiya Prezidentinin mətbuat katibi Dmitri Peskov isə Kremlin danışıqlar üçün Moskvaya dəvət olunan avropalı nümayəndələrin adlarını hələlik açıqlamaq niyyətində olmadığını bildirib.
Mətndə səhv var? Onu siçanla seçin və Ctrl+Enter düyməsini basın.