Azərbaycanın Qarabağ bölgəsi ərazisində müvəqqəti dislokasiya olunmuş Rusiya sülhməramlıları son 24 saat ərzində daha bir müşahidə məntəqəsini bağlayıb. Bu barədə Rusiya Müdafiə Nazirliyinin bülletenində deyilir.

Müşahidə sisteminin optimallaşdırılması çərçivəsində Laçın rayonunda bir RMK müşahidə məntəqəsi gün ərzində bağlanıb.

Departamentdən əlavə edilib ki, sentyabrın 19-dan ümumilikdə 12 müşahidə məntəqəsi və 16 müvəqqəti müşahidə məntəqəsi bağlanıb.

Xatırladaq ki, Rusiya sülhməramlı kontingenti (RMK) “Azərbaycan Respublikası Prezidentinin, Ermənistan Respublikasının Baş nazirinin, Ermənistan Respublikasının Prezidentinin bəyanatının 3-cü bəndinə uyğun olaraq, Azərbaycanın Qarabağ bölgəsinə yerləşdirilib.
Rusiya sülhməramlılarının qalma müddəti 5 il idi, əgər tərəflərdən heç biri müddətin bitməsinə 6 ay qalmış bu müddəanın tətbiqini dayandırmaq niyyətini bildirməzsə, avtomatik olaraq sonrakı 5 illik dövrlərə uzadılır.