Dekabrın 5-də Moskvada Xəzəryanı ölkələrin xarici işlər nazirlərinin görüşü keçiriləcək. Bu barədə Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirdiyi brifinqdə bildirib.

“Dekabrın 5-də Moskvada ölkəmizin xarici işlər naziri Sergey Lavrovun sədrliyi ilə Xəzəryanı dövlətlərin – Azərbaycan, İran, Qazaxıstan, Rusiya və Türkmənistanın xarici işlər nazirlərinin görüşü planlaşdırılır”, - Zaxarova bildirib.

Diplomat qeyd edib ki, bu formatda Nazirlər Şurasının iclası çərçivəsində Rusiya Xarici İşlər Nazirliyinin rəhbəri ilə həmkarları arasında bir sıra ikitərəfli görüşlər planlaşdırılır.