Finlandiya polisi barıt istehsalı zavodunun yaxınlığında pilotsuz uçuş aparatlarının (PUA) icazəsiz uçuşlarını araşdırır.

Bu barədə “Yle” telekanalı hüquq-mühafizə orqanlarına istinadən məlumat yayıb.

"Polis Vihtavuoridəki (Mərkəzi Finlandiya) “Nammo” barıt zavodunda bir neçə icazəsiz PUA uçuşunu araşdırır", - materialda qeyd olunur.

Mərkəzi Cinayət Polisinin cinayət işləri üzrə komissarı Yussi Luoto bildirib ki, hüquq-mühafizə orqanları “Nammo” zavodunun ərazisində və ya bilavasitə yaxınlığında bir neçə dəfə PUA uçuşu qeydə alıb.

Telekanal dəqiqləşdirib ki, zavodun ərazisi və ətrafı uçuşsuz zonadır. Araşdırma ilkin mərhələdədir, buna görə də polis hadisələrin təfərrüatlarını açıqlamır. Dron uçuşları yanvarda və fevralın əvvəlində qeydə alınıb.