Başda rektor İbrahim Cəfərov olmaqla ADAU-nun rəhbər heyəti Masallıda şəhid tələbələri Sultanzadə Niyaməddin Hüsaməddin oğlunun məzarını ziyarət edib, şəhidin ailəsi ilə görüşüb. Bu barədə şəxsi facebook səhifəsində məlumat verən rektor İ.Cəfərov tədbidin baş tutmasına köməklik göstərən Masallı Rayon İcra Hakimiyyətinin başçısı Şahin Məmmədova və digər məsul şəxslərə təşəkkürünü bildidib.
Azadmedia.az ADAU-nun rektoru İbrahim Cəfərovun yazdıqlarını təqdim edir:
"Dəyərli dostlar, bu gün Masallıda, şəhid tələbəmiz Sultanzadə Niyaməddin Hüsaməddin oğlunun valideynlərini, qəbirüstü abidəsini, Masallı şəhidlərinin abidələrini həmkarlarım Anar, Cəmaləddin, Məhərəm, Raminlə bir yerdə yad etdik. Bu tədbirin baş tutmasında zəhməti olan Masallı rayon İH başçısı Şahin Məmmədova, müavin Məmmədhüseyn Hüseynova, Yeni Həyat qəzetinin baş redaktoru Əlhüseyn Şükürova və digər insanlara dərin təşəkkürümüzü bildiririk. Cənab Ali Baş Komandanın rəhbərliyi altında Azərbaycan Ordusunun 44 günlük müharibədə qazandığı qələbədə millətimizin, xalqımızın, dövlətimizin başı uca oldu. Allah cəmi şəhidlərimizə rəhmət eləsin!".