Zəfər qələbəmizdən iki ilə yaxın vaxt keçsə də, I və II Qarabağ Müharibəsində canlarını fəda etmiş Masallının şəhid oğullarının ailələri həmişə 70 saylı Masallı Seçki Dairəsinin deputatı Məşhur Məmmədovun diqqətindədir. Millət vəkili seçki dairəsinə daxil olan bütün şəhidlərin mövludu və anım günlərində şəhid ailələrinin evini ziyarət etməyi mənəvi borc hesab edir. Azadmedia.az-ın Cənub bölgəsindən verilən məlumata görə M.Məmmədovun köməkçiləri Əli Nağıyev, Hekayət Nəzərov və Rəmzi Şahverdiyev, həmçinin "Masallı Təhsil Fondu"nun rəhbəri Hüseyn Hüseynov iyul ayında mövludu olmuş aşağıda adları çəkilən Şəhidlərin ailələri ilə görüşmüş, xatirələrini dinləyərək, şəhidlərin ruhunu yad ediblər.

Masallı rayon Hacıtəpə kəndindən I Qarabağ müharibəsi şəhidi Məlikov Amil Əliheydər oğlu

Masallı rayonu Qarğalıq kəndindən I Qarabağ müharibəsi şəhidi Ağayev Rəşad Yusif oğlu

Masallı rayonu Eminli kəndindən I Qarabağ müharibəsi şəhidi Ruhullayev Ruhil Rufulla oğlu

Masallı rayonu Səmidxan ərazi dairəsindən I Qarabağ müharibəsi şəhidi İbişov Mərdan Qardaş oğlu

Qeyd edək ki, millət vəkili Məşhur Məmmədovun şəhid ailələri ilə görüşləri təkcə şəhidlərin mövludu, anım günlərində deyil, bayramlarda və mütəmadi keçirilən qəbullarda da davam edir. Allah bütün şəhidlərimizə rəhmət eləsin!