Türkiyə Daxili İşlər Nazirliyinin müvafiq sərəncamına əsasən, ölkənin 81 vilayətində COVID-19 pandemiyası ilə əlaqədar tətbiq edilən bir sıra məhdudiyyətlər aradan qaldırılıb.

“HaberGlobal” məlumat verir ki, nazirliyin sərancamına əsasən, ölkədə fəaliyyət göstərən kafe, restoran, çayxana və adamların toplaşdığı ictimai-iaşə müəssisələrinin iş saatına koronavirusa görə tətbiq edilən məhdudiyyətlər ləğv edilib.

Qərar iyul ayının 21-dən qüvvəyə minib.

Sərəncamda pandemiya ilə əlaqədar qəbul olunan ümumi təhlükəsizlik qaydalarına riayət etmək tövsiyə olunur.