Azərbaycanda məhkəmənin bəraət verdiyi şəxs həbs edilib.

Bu barədə Baş Prokurorluğun Mətbuat xidmətindən bildirilib.

Belə ki, 10.02.2022-ci il tarixdə Bərdə rayon məhkəməsi tərəfindən Cinayət Məcəlləsinin 152.1-ci (on altı yaşına çatmayan şəxslə cinsi əlaqədə olma və ya seksual xarakterli digər hərəkətlər etmə) maddəsi ilə təqsirləndirilən şəxsə bəraət hökmü verilib.

Həmin hökmdən dövlət ittihamçısı tərəfindən 15.02.2022-ci il tarixdə apellyasiya protesti verilib.

Gəncə Apellyasiya Məhkəməsinin bugünkü (iyulun 20-də) hökmü ilə protest təmin edilib, sözügedən şəxs təqsirli bilinərək 1 il müddətinə azadlıqdan məhrum etmə cəzasına məhkum edilib və dərhal məhkəmə zalında həbs olunub.